आजच्या बोध-स्पर्शिका

व्यक्ति आणि व्यक्तिमत्व

कोणती भाषा लिहिणे यावर

कागदा चा पोत ठरत नसतो

व्यक्तिमत्व कसे ही असो

व्यक्ति मात्र एकच असतो

.............................

तहानल्यां चे गोत

तहान केवळ माझीच

ओलावतो माझेच ओठ

जर असती सामुहिक तर

असते तहानल्यांचे गोत

...............................

सूर्य-मंदिर खास

हे खुले आकाश

लख्ख सूर्य प्रकाश

त्या खाली बनवले माझे

सूर्य मंदिर खास

.............................................. अरुण

आजच्या बोध-स्पर्शिका

करुणा

अर्जुनाची करुणाच करुण

कृष्ण त्यास शुद्ध देतो

सिद्धार्थ भरला करुणेनं

आपसुकच तो बुद्ध होतो

.............................

प्रेम म्हणजे अनन्यभाव

मैत्री, आप्तभाव आणि सहानुभूती

म्हणजे प्रेम नाही

प्रेम म्हणजे अनन्यभाव

स्वार्थाचा जिथे लवलेश नाही

...............................

जीवन–रेष

बिंदु बिंदु जोडल्याने

रेषा दिसून येते

क्षणिक प्राण-बिंदुं ची

जीवन-रेष होते

.............................................. अरुण

आजच्या बोध-स्पर्शिका

मना च्या आंत

चाकावर बसुन प्रवास होतो

झकास

चाका आंत जो बसला त्याला

त्रासाच त्रास

.............................

कर्म आणि फळ

कर्म केले

तरच फळ गवसते

केल्यावर ते गवसेलच

याची खात्री नसते

...............................

मन-तरंग

खडा पडताच मन-जलात

जलात उठतात तरंग

जेंव्हा मना चे आकाश होते

किती ही छेडा, राहते अभंग

.............................................. अरुण

आजच्या बोध-स्पर्शिका

अहंकारा ची विहीर

आकाशा चे पंख घेऊन,

जो सागरा वरून उडतो तो

कसा साधणार संवाद तयाशी

जो विहिरीतच रमतो

.............................

पाटी

मोठ्यां चे ज्ञान, पाटीवर

छोट्यांच्या आले

छोट्यांना वाटे, स्वतः

हे त्यानीच मिळवले

...............................

गुरु

ज्याचे बोट धरून चालतो

तो आपला वाटसरू

ज्याच्या प्रकाशात चालतो

तोच फक्त आपला गुरु

.............................................. अरुण

आजच्या बोध-स्पर्शिका

देव निर्हेतुक

सूर्य उगवतो, पाऊस पडतो

नसता कांही प्रयोजन

हा फक्त माणूसच, ज्याला

ध्येय, हेतु, धोरण

.............................

अवधान

जागे चे भान असे

कधी काळाचे भान

मीच सकल ब्रह्मांड

क्वचितच हे अवधान

...............................

वरवर ची भक्ती

प्रवचन ऐकताना

प्रवचनात नसतो

प्रपंच करताना

ओव्या घोकीत बसतो

.............................................. अरुण

आजच्या बोध-स्पर्शिका

माणूस

कांहीसा पशु कांहीसा देव,

असे मिश्रण - माणूस

कांहीच पूर्ण नाही ज्यात

असा अर्धवट - माणूस

.............................

चित्र विचित्र

जिथे जो उपयुक्त रंग

तसाच भरून चित्र बने

लालवादी, भगवेवादी

अशांचे चित्र, विचित्र बने

...............................

स्वर्ग-नर्क-संसार

अस्तित्वमयी स्वर्गात

अहंकारमयी नर्कात

जो दोन्ही पासुन पळे

तो संसारात

.............................................. अरुण

आजच्या बोध-स्पर्शिका

पोहचलेला

आहे तिथेच राहुन,

ज्याला स्वर्ग गवसला

आध्यात्म त्यालाच म्हणते

पोहचलेला

.............................

पिंजरा

पिंजराच जर भावत असेल

तर बाहेर कसे पडणार ?

एक पिंजरा सुटला तर

दुसरा जवळ करणार

...............................

दरवाजा

दरवाजाशीच मोह जडला

आंत शिरणे राहुन गेले

हिंदू बनलो, मुस्लिम बनलो

धार्मिक बनणे राहुन गेले

.............................................. अरुण

आजच्या बोध-स्पर्शिका

खिडकी आणि आकाश

खिडकीतुन ही

दिसत आकाश

असीम अनंताची भेट मात्र

अवधाना च्या अवकाशात

.............................

संस्कार

संस्कारित जीवन-धारा

संस्कार सोडुन जात नाही

मुळात निर्बंध असलेले जीवन

डबके झाल्याशिवाय राहत नाही

...............................

मन

लाटांची रोपटी झाली

नदी चे वन झाले

उर्जेत उगवला विचार

अंतराचे मन झाले

.............................................. अरुण

आजच्या बोध-स्पर्शिका

विज्ञान-प्रज्ञान

कारण-शृंखले चे तथ्य-ज्ञान

असते विज्ञान

परम-कारणाचे तत्व-ज्ञान

आहे प्रज्ञान

.............................

वेगळेपण

आई ने दिला जन्म

समाजाने वेगळेपण

‘माझे-तुझे’- हाच संवाद

चालत राहे आमरण

...............................

उभ्या-आडव्या रेघा

शब्द म्हणजे

उभ्या-आडव्या रेघांचे हांतरुण

अर्थ म्हणजे

मायेचे घातलेले पांघरूण

.............................................. अरुण

आजच्या बोध-स्पर्शिका

शब्द

शांतता अशांत आहे

शब्दांच्या गोंगाटात

शब्द प्रशांत आहे

शांती च्या सहवासात

.............................

निर्माल्य

नदी च्या प्रवाहात

वाहणे सहज सरल

निर्माल्यालाच

जीवन कळल

...............................

जुने –नवीन

जुन्याचे नवीन करणे

नाही कठीण

विसरता पूरे चे पूरे जुने,

घडते नवीन

.............................................. अरुण

आजच्या बोध-स्पर्शिका

बुद्धी आणि बुद्ध

बुद्धी करते तुकडे तीन

सूर्य चंद्र तारे

बुद्धां च्या नजरेत

एकच आकाश त्यातच सारे

.............................

भेद

भेद जन्मला की

‘तू’ आणि ‘मी’ आलेच

नदी म्हटली की

दोन किनारे झालेच

...............................

सुख दुःख एकच

दुःखाला लागते

सुखा ची तहान

किती ही मोठें असो

सुख नेहमीच लहान

.............................................. अरुण

गणेशा जवळ प्रार्थना

रे गणेशा दे दिशा, अज्ञान सरू दे भाव मनी विश्वात्मकी मंगल घडू दे
१)मागताना मन पुरे निर्मल असू दे लोभ भयं अन् वासनेचे कण नसू दे हे कसे होइल याची बुद्धि दे रे गणेशा .............	२) दुःख माझे सुख निश्चित हे कुणाचे सुख माझे दुःख कुणीया बांधवाचे म्हणुनी म्हणतो तू मनाला जाग दे रे गणेशा .............
३) हात जोडूनी उभा मी सांगण्याला तूच माझ्या चित्ती ये राहावयाला मग मला कांही नको चितामणी दे रे गणेशा .............	४) मी तुझी रेखाटली चित्रे किती रे मी कसा दिसतो मला कळलेच नाही आरसा हो मूर्ती मज माझी दिसू दे रे गणेशा .............
रे गणेशा दे दिशा, अज्ञान सरू दे भाव मनी विश्वात्मकी मंगल घडू दे

......................................................... अरुण